- rashmipatrika
निर्मल मुर्मू की कविता
निर्मल मुर्मू सहायक प्राध्यापक विभाग- संताली एसपी कॉलेज दुमका चेहाव
धा़रती जीबोन सांगिञ गेया,
हारोन मेनाक् कोना-कोना।
तोहोत् ता़किच् साहाव काते,
जुदि मेनाक् ताम लाहाक् साना।
तोबे चेहाव ताहेंन में।।
बारया मेत् एम जा़पिद् रेहों,
तेसार मेत् दो बेंगेत् काम।
हांड़हात् रेहों बिस ताहेंना,
हेड़ेम रेहों बिसेम ञाम।
ओनाते चेहाव ताहेंन में।।
बैरी जुदिय आकोट मेया,
होर डाहार ए एसेद् तामा।
आम जुदिम केटेच् गेखान,
चेत् हों बाय लेटेच् केमा।
ओनाते चेहाव ताहेंन में।।
बिन बोतोर ते तेंगोन मेसे,
बोतोरामाय का़री नांगिञ।
दुख तेहेञ मेनाक् ताम खान,
सुख हों बा़नुक् आ़डी सांगिञ।
मेनखान चेहाव ताहेंन में।।
मोज होरतेम लाहाक् रेदो,
बुगी तेको बोर मेया।
मित् जांगाम लाहाय रेदो,
दोसार जांगा को ओर मेया।
ओनाते चेहाव ताहेंन में।।